ISO 20022
Жаңа төлем стандарты
2024 жылғы 25 қарашадан бастап
Қазіргі уақытта ауысудың бірқалыпты жүзеге асуы үшін қажетті іс-шаралар жүргізілуде: барлық операция түрлері бұрынғыдай қолжетімді болады.
ISO 20022
Жаңа төлем стандарты
2024 жылғы 25 қарашадан бастап
Қазіргі уақытта ауысудың бірқалыпты жүзеге асуы үшін қажетті іс-шаралар жүргізілуде: барлық операция түрлері бұрынғыдай қолжетімді болады.
ISO 20022 стандартына көшу
- Қазақстан Республикасының төлем жүйесінің ISO 20022 стандартына көшу нені білдіреді?
2024 жылғы 25 қарашадан бастап Қазақстанның төлем жүйесі ISO 20022 стандартына көшеді, бұл қаржылық ақпарат алмасуды жақсартуға және стандарттауға мүмкіндік береді. Осы көшу аясында төлемдерді өңдеудің ашықтығы мен ыңғайлылығын қамтамасыз ету үшін заңнамаға өзгерістер енгізіліп, төлем құжаттарына жаңа деректемелер қосылды.
- Төлем құжаттарында қандай жаңа деректемелер көрсетілуі керек?
Жөнелтушінің немесе бенефициардың, егер олар Қазақстан Республикасының бейрезиденттері болса, резиденттік елі. Елді көрсету үшін елдер анықтамалығындағы екі әріптік кодты пайдалану керек.
Нақты ақша жөнелтуші және Нақты (түпкілікті) бенефициар, егер аударым процесіне негізгі жөнелтуші мен алушыдан басқа үшінші тұлғалар тартылса. Бұл деректер төлемнің нақты тараптарын анықтауға көмектеседі.
- Қандай жағдайда резиденттік елін көрсету талап етіледі?
Егер ақшаны жөнелтуші немесе алушы Қазақстанның резиденті болмаса, барлық аударымдар үшін резиденттік елі көрсетілуі керек. Сонымен қатар, еңбекақыны басқа банктерге аударған кезде компаниялар бейрезидент қызметкерлердің резиденттік елін көрсетуге міндетті. Мысалы, БеК немесе КОд 2 санынан басталған кезде
- Кімдер «Нақты ақша жөнелтуші» және «Нақты (түпкілікті) бенефициар» болып табылады?
Нақты төлемші — оның атынан төлем жасалатын тарап
Нақты алушы — ақшаны алатын немесе оның пайдасына төлем жасалатын тарап
Мысалы, егер заңды тұлға (ЗТ) өзінің еншілес ұйымы үшін салық төлесе, ЗТ ақшаны жөнелтуші болып саналады, ал еншілес ұйым нақты жөнелтуші болып табылады.
Төлеуші мен алушының нақты деректері ақшаны жөнелтушімен және бенефициармен сәйкес келсе, оларды көрсету қажет емес.
- Жаңа талаптар интернет банкингі мен мобильді қосымшада қалай жүзеге асырылады?
Интернет банкингінде, мобильді қосымшада және төлем тапсырмаларының қағаз нысандарында нақты ақша жөнелтуші мен бенефициардың деректерін көрсету үшін қосымша өрістер пайда болады. Транзакцияға қосымша тараптар қатысатын болса, бұл өрістерді толтыру қажет.
- ISO 20022 стандартына көшуге дайындалу үшін қандай шаралар қолдану керек?
2024 жылғы 25 қарашаға дейін есептік бағдарламаларды орнатумен айналысатын әзірлеушілер мен мамандарды жүйелерді жаңа талаптарға бейімдеу үшін қажетті ақпаратпен қамтамасыз ету маңызды. Бұл қаржы жүйелерінде ақауларды болдырмауға және төлем құжаттарын қалыптастырудың жаңа стандарттарына сәйкестікті қамтамасыз етуге көмектеседі.
- ISO 20022 енгізуден күтілетін негізгі нәтиже қандай?
ISO 20022 стандартына көшу төлем деректерін өңдеудің стандартталуы мен дәлдігін жақсартады, сондай-ақ төлемдерге қатысушы тараптарды сәйкестендіруді жеңілдетеді, бұл Қазақстан Республикасының төлем жүйесінің қауіпсіздігі мен тиімділігін арттырады.
Әзірлеушілерге арналған материалдар: